|
Dr Schogg über d’Noochricht, dass d’Fasnacht nit stattfindet isch sehr
gross gsi.
Dr Glyggechat isch haiss gloffe.
Aber do mir, die Alti Garde vo de Wiehlmys scho alti Hase sind und scho
e mänggi Fasnacht gmacht hänn. Isch sehr bald klar gsi, mir hänn drey Reservatione im Klybeck Casino gmacht und die halte mir au yy.
Und eso hänn mir e Ladärne-yypfyffe Apéro gmacht ohni
Ladärne-yypfyffe. Uff die halber fimfi hänn sich die Aggtive,
die Passive und unseri zwei Lambbe-Buebe im Klybeck Casino
droffe und hänn zämme dr Oobe gnosse.
Am Mändig und am Mittwuch isch uff die säggsi z’Nachtässe
reseviert worde und eso hett me sich wieder im Klybeck Casino
droffe, dört hänn mir guet g’ässe und drungge.
Am Mittwuch hänn no e baar unverwieschtligi Altgardischte no
e Ründeli im Glaibasel gmacht und me hett gmungglet, das die
Letschte wyt nach Mitternacht no gsichtet gworde sinn.
S’Fazit vo dr Fasnacht 2020:
Si wird ys lang in Erinnerig blybe und mir vo dr Alte Garde
hänn’s zämme höggle an dänne drey Dääg sehr gnosse.
Ihr sind die Beschte
Ains vo dr Alte Garde Wiehlmys
|
