 |
Fasnacht 2018 |
 |
| Sujet: | ||
| Frisst dr kyneesisch Drach langsam d Schwyzer Wirtschaft uff? |
||
| D Kyneese kaufe, mir kemme Drääne; Schwyzer-Aktie wie d Hyääne. Unseri Iibersicht wird immer beeser und d Lecher im Schwyzer-Kääs immer greeser Sogar in d Aktie C&A Leege alli Kyneese aa! |
||
| Dr Schneider-Ammann profitiert dervo; är kaa jetz offiziell no China goo. Was verzellt är dert alles fir Sache? D Kyneese dien iiber alles lache. |
||
| Rytte rytte Ressli; au z Basel stoot e Schlessli. Me sait em aifach s Roote Huus; dert luegt e Drach zem Fänschter uus. |
||
| D Reede vo dr Frau Aggermaa kemme halt aifach niene aa. Die Täggscht schrybt doch, y mains nit bees, in iirem Uffdraag e Kynees! |
||
| Und wenn si noo vier Joor denn goot; uus em Basler Regierigroot, griegt si e Loon, fir ere langi Frischt, mee als uff dr Bangg e Broggurischt. |
||
| Wennd mainsch dr Drach haig alles gfrässe; dr Wessels het är schlicht vergässe! Doch iiber ains bin y hailfroo, dr Roger het är ys no gloo. |
||
| My Bueb findsch uff em Dennisblatz. Är quält sich dapfer Satz fir Satz. Är het mir gsait, y derf nit lache, är wott jetz au dr Doggter mache. |
||
| Friefranzeesisch isch fir Schieler z schwäär, das waiss me vo dr Erfaarig här; E Gricht maint, lieber im Kindergarte; sch graad mit dr Sex-Kunde z starte. |
||
| In dr ganze Wält do duet me wärbe, doch d Basel World duet trotzdäm stärbe. Wo sin den doo d Kyneese bliibe? Die dien halt d Kunscht nit iberdryybe. |
||
| Billag, or not Billag, dasch d Froog, herjee! Gits jetz sch bald kai Schwyter Färnsee mee? S Doris Leuthardt glaubt ans Beese! Sände dert sch bald d Kyneese? Verstoosch kai Wort, vo däm Sproochebuff. Syyg froo reggsch dy ab däm Gschwätz nimm uff! |
||
| Es stirbt in Basel Baiz fir Baiz. Nur <China-Food> het no sy Raiz. Unseri Stammbaiz, s isch nit zem lache, haisst statt Giggel, emool bletzlich Drache! Glyych, was ych zem dringge wääl. s Bier isch jo sch hitte gääl! |
||