S Maartyynsgleggli lyted unbarmhäärzig -
adie Oorgelmännli, Moggeständ,
adie Roosekiechli, adie Ressliryti,
adie Mässlyt - alles het en Änd.

Und wo s hitte no so luschtig wimmeled,
uff em Seibi, seet moorn kai Bai,
spuurloos isch die Zauberwält verschwunde,
bliibe sinn nur graui Pflaschterstai.

Adie Mäss! Jetz goot s in Winter yyne,
und im Umsee isch scho d Wienecht doo,
adie Mässlyt! Kemmed s näggscht Jor wiider -
Yych und s Grytli fraie is jetze schoo!