Fasnacht byym Nochber, 

 
Am Sunndig dr 3 März em halber ains hed me sich in dr Schalterhalle
vom Badische-Bahnhof droffe.
Au das Joor sin mr wider uf Lörrach um am Fasnachtsumzug mitzmache.
Wo mir Aakoo sin am Bahnhof z Lörach hän mr miese Feststelle, as d
„Bahnhofgaststätte“ zu isch.
Alos nid mid „Gastlicher-Stätte“. Me hän den e weeneli ummegluegt und
e scheens Plätzli gfunde fir dr erscht Umdrung und zem zämme Hogge.
Nach däre kurze Pause isch es zem Yystoo gange, jä wen das nur so aifach wär.
Allso mir sin d Nummere 48 gsi. Do Laufsch e zytli bis de di Platz hesch.
E scheene Platz, vorne e Gugge uns hinde draa e Gugge, e weeneli wyter
vorne e Waaage mit ere sehr Lutte Musika Aalag druff.
Guet, woos denne los gange isch, hed me wenigschtens, wenn au knapp,
gheert welle Marsch as Aagsaid wird.
E so sin mr durch d Stroose vo Lörrach gloffe. ( Au emolle scheen so lang z Laufe ohni Stau)
gege ändi vo däre Route, oder isches eher e Parcour gsi? Sin Offizielli gstande
und händr gsaid as es do fertig isch.
Me hed sich denne zer stergig in d Baiz begä, wo vorne dra uf em Platz
au e Biini gsi isch, deert hän d Gugge no „Konzärt“ gä.
Bym Nachtässe isch no vyyl Glacht und „Gspässlet“ worde, bevor is s Bähnli wider
uf Basel zrugg brocht hed.
Ainigi hän in de Segg no s zwaite Schnitzel kaa wo si nimm hän meege,
Jo s gid allso au am Määntig dehaime Schnipo oder Schnitzel-Brot.
 
Scheen isch es gsy, Danggerscheen fir alli wo drby gsi sin.